Թուրքիայի Անթալիա նահանգի Ալանիայի շրջանում ռուս 3 զբոսաշրջիկ աղջիկները զարմացրել են շրջանի բնակչությանը, քանի որ նրանք ի տարբերություն իրենց հայրենակիցների, ոչ թե եկել էին գումար ծախսելու, այլ՝ զբաղվում էին գումար հավաքելով։

Ինչպես տեղեկացնում է թուրքական Hurriyet-ը, Անթալիա ժամանած ռուս 3 աղջիկներն իրենց հանգստի փողը վաստակում են փողոցներում կիթառ նվագելով եւ երգելով։

Սոնիա Սալեւոն, Սոնիա Ակսեոնովան եւ Կրիստինա Խոբաոլավան նշել են, որ պատրաստվում եմ այս տարվա օգոստոսի 25-ին Մոսկվայում երգի մի մրցույթի մասնակցել, իսկ մինչ այդ իրենց հանգստի գումարն աշխատում են փողոցներում կիթառ նվագելով եւ երգելով։

Անցորդները լուսանկարում են եւ դրամներ գցում աղջիկների առջեւ դրված գլխարկի մեջ։

նյութի աղբյուր` news.am