loading...

Արամոն անչափահասին բռնաբարելու համար դատապարտվել է 6 տարվա ազատազրկման

10:16 13.09.2013

Aravot.am, հղում անելով «Դատալեքս» կայքին տեղեկացնում է, որ սեպտեմբերի 6-ին Լոռու մարզի առաջին ատյանի դատարանը(դատավոր՝ Սուրեն Բաղդասարյան) վճռել է Ալավերդի քաղաքի բնակիչ, 1993թ. ծնված Արամո Ավետյանին մեղավոր է ճանաչել ՀՀ քրեական օրենսգրքի 139-րդ հոդվածի 2-րդ մասի 3-րդ կետով («Սեքսուալ բնույթի բռնի գործողությունները, որոնք կատարվել են անչափահասի նկատմամբ») և 140-րդ հոդվածով («Սեքսուալ բնույթի գործողություններին հարկադրելը») նախատեսված հանցագործությունների կատարման մեջ և նրան պատիժ նշանակել 5 տարի, 6 ամիս ժամկետով:

Դատավորը վճռել է ՀՀ քրեական օրենսգրքի 67-րդ հոդվածով սահմանված կարգով նրա նկատմամբ կայացված նախկին դատավճռով նշանակված 2 տարի,2 ամիս, 24 օր ժամկետի չկրած մասից մասնակի՝ 6 ամիս գումարել սույն դատավճռով նշանակված պատժի ժամկետին և նրա նկատմամբ պատիժ նշանակել ազատազրկում 6 տարի ժամկետով:

Դատարանը վճռել է Ա. Ավետյանին նախնական կալանքի տակ պահելու 26 օրը հաշվակցել նրա նկատմամբ նշանակված պատժի ժամկետին և նրա նկատմամբ վերջնական պատիժ նշանակել ազատազրկում 5 տարի, 11 ամիս, 4 օր ժամկետով:

 Արամո Ավետյանի նկատմամբ խափանման միջոցը՝ չհեռանալու մասին ստորագրությունը, փոխվել է և նրան դատարանի դահլիճում կալանքի են վերցրել: Նշենք, որ նախկինում դանակահարության համար դատված Ավետյանը այս քրեական գործով ձերբակալվել էր, հետո նրա նկատմամբ խափանման միջոց էր ընտրվել չհեռանալու մասին ստորագրությունը:

 

Մանրամասները այստեղ` http://www.aravot.am/2013/09/13/385246/

Դիտվել է 17442 անգամ

online-tv.am

Լրահոս