Այսօր՝ հուլիսի 11-ին, վրաերթ է տեղի ունեցել Արմավիրի մարզում: Ժամը 22:00-ի սահմաններում Արմավիր քաղաքի բնակիչ 35-ամյա Արթուր Գևորգյանը Արմավիր քաղաքի Երևանյան - Հանրապետություն փողոցների խաչմերուկում իր կողմից վարած ГАЗ 24 մակնիշի` 05 OL 589 համարանիշի ավտոմեքենայով վրաերթի է ենթարկել հետիոտն 5-ամյա Լիլիթ Հովհաննիսյանին:

Ինչպես հայտնում է ֆոտոլրագրող Գագիկ Շամշյանը, վարորդը փախուստի չի դիմել և երեխային տեղափոխել է Արմավիրի բժշկական կենտրոն, որից հետո մեղայականով ներկայացել է ոստիկանության Արմավիրի բաժին:

Արմավիրի բժշկական կենտրոնից ֆոտոլրագրողին հայտնել են, որ երեխան գտնվում է ծայրահեղ ծանր վիճակում:
Փաստի առթիվ Ոստիկանության Քննչական գլխավոր վարչության Արմավիրի մարզի քննչական բաժնում նյութեր են նախապատրաստվում:

Նյութի աղբյուր` http://shamshyan.com/arm/2013-07-11-Armavir-child.html