Աշխարհի տարբեր քաղաքների բնակիչները ադապտացվել են տարբեր տեսակի  աղմուկների, սակայն այս մեկը բացառիկ է:«Կյանքը ավտոմայրուղու տակ» վերնագրով իր հոդվածը բրիտանական The Daily Mail  պարբերականը նվիրել է Չինաստանի Գույան քաղաքին, որտեղ բնակիչները ստիպված են քնել` ականջների մեջ բամբակ դնելով, քանի որ այլ կերպ հնարավոր չէ:

Քաղաքի բնակիչների մի մասը բնակվում է անմիջապես ավտոմայրուղու նեքևում, հեռավորությունն ընդամենը մի քանի մետր է:

300 մետրանոց Shuikousi կամուրջը կառուցվել է 1997 թվականի մայիսին, երկու տարի անց դրա նեքևում կառուցվել են բնակելի շենքեր` մատչելի գնով անշարժ գույքի ծրագրի շրջանակում:

Տարիներ շարունակ բնակիչների բնակարանները ցնցվում են մեքենաների, մասնավորապես բեռնատարների անցուդարձից: Բնակիչները կատակով նշում են, որ այնքան սովորական են դարձել ցնցումները, որ 2008 թվականին Ուենչուանի հզոր երկրաշարժն իրենք չեն զգացել:

Աղմուկից բացի՝ մեկ այլ խնդիր է փոշին: Քաղաքն ունի 4 մլն բնակչություն:
 

Նյութի աղբյուր` 1in.am