Սուրբ Հովսեփի հիվանդանոցի բժիշկները պատրաստվել են սկսել մահացած կնոջ դիահերձումը, երբ վիրահատական սեղանին պառկած կինը բացել է աչքերը:

Այդ սխալը հիվանդանոցի համար արժեցել է 6000 դոլարի տուգանք: Չնայած դա նմանատիպ առաջին դեպքը չէ: 2011-ին նույն հիվանդանոցը 16.000 դոլար էր վճարել, երբ առանց հսկողության թողնված հիվանդ կինն ընկել և վնասել էր գլուխը:

41-ամյա Քոլին Բերնսը տեղափոխվել էր հիվանդանոց չափից շատ թմրանյութեր օգտագործելուց հետո: Մի շարք սխալ ախտորոշումներից հետո բժշիկները որոշել են, որ նա մահացել է և սկսել են նրա օրգանների հեռացման վիրահատությունը:

Հետաքննությունը պարզել է, որ երբ Բերնսը ժամանել է հիվանդնոց, բժիշկներն անհրաժեշտ պրոցեդուրաները չեն արել, որոնք կխոչընդոտեին օրգանիզմի կողմից թմրանյութերի կլանմանը: Բժիշկները նաև անհրաժեշտ մանրամասնությամբ չեն իրականացրել ուղեղի սքանավորումը, իսկ հետո որոշել են, որ Բերնսի ուղեղը մահացած է, երբ իրականում նա կոմայի մեջ է եղել։

Այն բանից հետո, երբ բժիշկները հաստատել են ուղեղի մահանալու հանգամանքը, նրա ընտանիքը համաձայնել է անջատել հիվանդին կենսաապահովման սարքերից և նվիրաբերել օրգանները: Բայց նախքան վիրահատությունը բուժքույրը ռեֆլեքս-թեստեր է կատարել ու պարզել է, որ Բերնսի ուղեղը դեռ արձագանքում է:

Բուժքույրը տեղյակ է պահել բժշկին, սակայն նա անտեսել է այդ հանգամանքը: Վիրահատությունը չեղյալ էր հայտարարվել միայն այն ժամանակ, երբ վիրահատական սեղանին պառկած կինը բացել էր աչքերը:

Բացի տուգանքից, հիվանդանոցը պարտավորվել է խորհրդատուների վարձել, որոնք կօգնեն բժիշկներին ճշգրտորեն ախտորոշել ուղեղի մահը:

Նյութի աղբյուր` http://www.1in.am/arm/more_entertainment_198037.html