loading...

35-ամյա կինը փորձել է Կիևյան կամրջից ցած նետվել

14:01 11.07.2013

Այսօր՝ հուլիսի 11-ին, 25-ամյա երիտասարդ տղան փրկել է 35-ամյա կնոջ կյանքը՝ կանխելով նրա ինքնասպանության փորձը: Ժամը 01: 20-ի սահմաններում Երևանի բնակիչ Գոռ Անտոնյանը Կիևյան կամրջի վրա նկատում է լաց լինող մի կնոջ: Երիտասարդը, մոտենալով կնոջը, ով մարմնով արդեն անցել էր կամրջի այն կողմը, մոտ 20 րոպե փորձում է համոզել նրան, որպեսզի այդ ծայրահեղ քայլին չդիմի, այդ ընթացքում նրան օգնության է հասնում կամրջով երթևեկող մի երիտասարդ, ով իր Mercedes մակնիշի ավտոմեքենայից դուրս է բերում ճանապարհային դեղատուփը և աղջկան փորձում հանգստացնել Валерианы-ով: Որոշ ժամանակ անց ժամանում են շտապ օգնության 1-03 ծառայության և ոստիկանության Մաշտոցի բաժնի աշխատակիցները, ովքեր էլ կնոջը տեղափոխում են հիվանդանոց, քանի որ նա գտնվում էր սթրեսի մեջ: Ֆոտոլրագրող Գագիկ Շամշյանը հայտնում է, որ փաստի առթիվ ոստիկանության Մաշտոցի բաժնի հետաքննության բաժանմունքի հետաքննիչ Գյորգի Ավետիսյանի կողմից նյութեր են նախապատրաստվում, ինչպես նաև պարզվել է, որ ինքնասպանության փորձ կատարող կինը Երևան քաղաքի Մոսկովյան փողոցի բնակիչ Մարիամ Զ-ն է, իսկ նրան փրկած Գ. Անտոնյանը աշխատում է մաքսային ծառայությունում:

Նյութի աղբյուր` http://shamshyan.com/arm/2013-07-11-Kievyan-bridge-prevent-suicide.html

 

Դիտվել է 3675 անգամ

online-tv.am

Լրահոս