loading...

ԱԱԾ-ն բերման է ենթարկել Սաշիկ Սարգսյանին.ՏԵՍԱՆՅՈՒԹ. azatutyun.am

15:43 25.06.2018

Այսօր ավելի վաղ բերման է ենթարկվել նաև Սերժ Սարգսյանի թիկնազորի նախկին պետ, Պետական պահպանության ծառայության նախկին պետ, գեներալ-մայոր Վաչագան Ղազարյանը:

Ոստիկանությունն այսօր Սայաթ-Նովա փողոցից բերման է ենթարկել նախկին նախագահ Սերժ Սարգսյանի եղբորը՝ Ալեքսանդր Սարգսյանին՝ ապօրինի զենք կրելու կասկածանքով:

Այս մասին «Ազատությանը» հայտնեցին ոստիկանության մամուլի ծառայությունից, հաստատելով, որ համացանցում տարածված տեսանյութում բերման ենթարկվող անձը հենց Ալեքսանդր Սարգսյանն է: Ոստիկանությունը, միաժամանակ, հերքում է, թե բերման է ենթարկվել նաև Ալեքսանդր Սարգսյանի որդին՝ Նարեկ Սարգսյանը:

Նշենք, որ 62-ամյա Ալեքսանդր Սարգսյանը, ով ավելի հայտնի է Սաշիկ անունով, 2003 -2011 թվականներին եղել է Ազգային ժողովի պատգամավոր, մամուլը նրա անունը կապում է բազմաթիվ բիզնեսների հետ: Հիշեցնենք՝ այսօր ավելի վաղ ԱԱԾ-ի կողմից բերման էր ենթարկվել երրորդ նախագահ Սերժ Սարգսյանի թիկնազորի նախկին պետ, Պետական պահպանության ծառայության նախկին պետի տեղակալ, գեներալ-մայոր Վաչագան Ղազարյանը:
«Ազատության» հարցին՝ արդյո՞ք Ղազարյանը բերման է ենթարկվել ապօրինի հարստանալու, հայտարարագրերում կեղծ տվյալներ ներկայացնելու կամ հայտարարագրման ենթակա տվյալը թաքցնելու հիմքերով անցած շաբաթ հարուցված քրեական գործի շրջանկաներում, ԱԱԾ խոսնակ Սամսոն Գալստյանը հրաժարվեց պատասխանել, խոստանալով ավելի ուշ հանդես գալ պաշտոնական հաղորդագրությամբ:

Հիշեցնենք՝ հունիսի 20-ին և 21-ին խուզարկություններ էին կատարվել «Յանս» ռեստորանային համալիրի տարածքում, «Սելենա» ընկերության տնօրեն Ս. Կարապետյանի, «Սելենա» ՍՊԸ-ի փաստացի սեփականատեր Ռ. Բեգլարյանի բնակության վայրերում, վերջինիս ավտոտնակում։ Արդյունքում ՝ «Սելենա» ՍՊԸ-ի փաստացի սեփականատեր Ռ. Բեգլարյանի բնակության վայրում հայտնաբերվել է առանձնապես խոշոր չափերի գումար՝ 35.000.000 ՀՀ դրամ, 1.110.400 ԱՄՆ դոլար, 230.500 եվրո, իսկ ավտոտնակից՝ 2.000 ԱՄՆ դոլար, «Ֆրանկ Մյուլլեր» ապրանքանիշի 2 հատ ժամացույց, «Ռենջ Ռովեր» և «Մերսեդես Բենց» մակնիշի 1-ական ավտոմեքենաներ:
Ամբողջական հոդվածը  կարդացեք  այստեղ՝ https://www.azatutyun.am

 

Դիտվել է 2025 անգամ

online-tv.am

Լրահոս