SHAMSHYAN.com-ի տեղեկություններով՝ Ոստիկանության Վաղարշապատի բաժնի հետաքննչական բաժանմունքում հետաքննիչ Կարեն Ավագյանի կողմից նյութեր են նախապատրաստվում Արմավիրի մարզի Ակնալիճ գյուղի բնակիչ՝ 34-ամյա Հովհաննս Ավետիսյանի դիմումի փաստով։ Ինչպես հայտնում է ֆոտոլրագրող Գագիկ Շամշյանը, վերջինս երեկ՝ փետրվարի 22-ին, Ոստիկանության Երևան քաղաքի վարչության օպերատիվ կառավարման կենտրոն հայտնել է, որ «Էջմիածին» բժշկական կենտրոնի բժիշկների անփութության պատճառով իր նորածին երեխան մահացել է։ Գ. Շամշյանի տեղեկություններով՝ Հ. Ավետիսյանը հրավիրվել է Ոստիկանության Վաղարշապատի բաժին, որտեղ նա հայտնլ է, որ հունվարի 28-ին, ժամը 19։00-ի սահմաններում՝ «Էջմիածին» բժշկական կենտրոնի ծննդատանը ծնվել է իր որդին՝ սրտի արատով։ 3 օր Էջմիածնի ծննդատանը գտնվելու ընթացքում տեղի բժիշկներն իրեն հայտնել են, որ նորածինն ունի սրտի շրջանում առողջական խնդիրներ։ Ինքը իր նորածին երեխային տեղափոխել է Երևան քաղաքի Նորք Մարաշ սրտաբանական հիվանդանոց, որտեղ կատարվել է սրտի վիրահատություն, սակայն կարճ ժամանակ անց նորածինը մահացել է։ SHAMSHYAN.com-ը պատրաստ է ներկայացնելու Էջմիածնի բժշկական կենտրոնի տեսակետը՝ խնդրի վերաբերյալ։
Մանրամասները  այստեղ՝ http://shamshyan.com/hy/article/2018/02/23/1089881/