loading...

Արտակարգ դեպք. «Լունա» գիշերային ակումբում. երաժշտություն պատվիրելու հարցի շուրջ վիճաբանությունն ավարտվել է դանակահարությամբ

16:02 27.01.2019

SHAMSHYAN.com-ի տեղեկություններով՝ ոստիկանության Վայքի բաժնի հետաքննչական բաժանմունքում նյութեր են նախապատրաստվում հունվարի 25-ին Վայոց Ձորի մարզում տեղի ունեցած վիճաբանություն-ծեծկռտուք-դանակահարության փաստով: Ինչպես հայտնում է ֆոտոլարգրող Գագիկ Շամշյանը, ժամը 05:30-ի սահմաններում Վայքի բժշկական կենտրոնից ոստիկանության Վայքի բաժին ահազանգ է ստացվել, որ «աջ թուլակողի շրջանի թափածակված վերք հարցականով» ախտորոշմամբ իրենց մոտ է տեղափոխվել մի քաղաքացի: Հիվանդանոց է մեկնել ոստիկանության Վայքի բաժնի օպերատիվ խումբը՝ բաժնի պետի գլխավորությամբ: Ոստիկանները պարզել են, որ վիրավորը Վայոց Ձորի մարզի Զառիթափ գյուղի բնակիչ, 23-ամյա Արամ Ավագյանն է: Մինչ բժիշկները պայքարում էին նրա կյանքի համար, Վայքի ոստիկանները պարզել են, որ նույն օրը ժամը 02:00-ի սահմաններում Երևան-Մեղրի ավտոճանապարհի 139.5 կմ հատվածում գործող «Լունա» գիշերային ակումբի տարածքում վիճաբանություն է տեղի ունեցել Ա. Ավագյանի և նրա համագյուղացի, 33-ամյա Գևորգ Գևորգյանի միջև, որի ժամանակ էլ վերջինս սուր կտրող-ծակող առարկայով հարվածել է Ա. Ավագյանին, ով ստացել է «կրծքավանդակի աջ կեսի պլևրալ խոռոչի, որովայնի խոռոչի թափածակված կտրած-ծակած վերք, ստոծանու, լյարդի վնասումով, սուր ներքին արյունահոսություն» մարմնական վնասվածքներ: Վայքի ոստիկանները Գ. Գևորգյանին տեղափոխել են ոստիկանության բաժին, ով կատարվածի մասին բացատրություններ տալուց հետո ոստիկաններին է ներկայացրել նաև հանցագործության գործիք հանդիսացող դանակը: Գ. Շամշյանի տեղեկություններով՝ վիրավոր Ա. Ավագյանը ՀՀ ՊՆ զորամասերից մեկի ծառայող է, իսկ Գ. Գևորգյանը աշխատում է Վայքի ճանշինում: Ծեծկռտուքի հիմնական պատճառն էլ եղել է երաժշտություն պատվիրելու հարցի շուրջ ծագած վիճաբանությունը:
Մանրամասները  այստեղ՝  https://shamshyan.com

Դիտվել է 1758 անգամ

online-tv.am

Լրահոս