loading...

Արտակարգ իրավիճակ Գեղարքունիքի մարզում. ուժեղ քամին Վերին Գետաշեն գյուղի դպրոցի տանիքն ամբողջովին պոկել և շպրտել է. ՏԵՍԱՆՅՈՒԹ

17:02 01.02.2018

/shamshyan.com-ը  գրում  է  /Այսօր՝ փետրվարի 1-ին, արտակարգ դեպք է տեղի ունեցել Գեղարքունիքի մարզում։ Առավոտյան ժամը 09։30-ի սահմաններում Վերին Գետաշեն գյուղում ուժեղ քամու հետևանքով գյուղի դպրոցի տանիքի մեծ մասը պոկվել և թափվել է գետնին։ Ինչպես գյուղից հայտնում է ֆոտոլրագրող Գագիկ Շամշյանը, բարեբախտաբար, այդ պահին երեխաներն ու ուսուցչական կոլեկտիվը եղել են դասի և ոչ ոք չի տուժել։ Վնասվել են գյուղի դպրոցի տնօրենի և զինղեկի ավտոմեքենաները։ Օպերատիվորեն ժամանել է գյուղապետ Ռուբիկ Ղուկասյանը, ով կատարվածի մասին տեղեկացրել է Գեղարքունիքի մարզպետ Կարեն Բոթոյանին, ում հանձնարարականով գյուղ են ժամանել մարզպետարանի քաղաքաշինության վարչության ծառայողները՝ պետի տեղակալ Խաչիկ Ուդումյանի գլխավորությամբ և Արտակարգ իրավիճակների նախարարության փրկարար ծառայության Գեղարքունիքի մարզային փրկարարական վարչության Մարտունու թիվ 33 հրշեջ-փրկարարական ջոկատի ծառայողները՝ հրամանատար Արթուր Ալեքսանյանի և հրամանատարի տեղակալ Սևակ Սահակյանի գլխավորությամբ։ Օպերատիվորեն ժամանել են նաև Ոստիկանության Մարտունու բաժնի օպերատիվ խումբը՝ բաժնի պետի տեղակալ Գարիկ Մուրադյանի գլխավորությամբ։ Ֆոտոլրագրողի հետ զրույցում գյուղապետ Ռ. Ղուկասյանն ասում էր. «22 տարվա գյուղապետ եմ և նմանատիպ դեպք առաջին անգամ եմ տեսնում։ Գյուղում երբևէ նման քամու հետևանքով դեպքեր չենք ունեցել։ Ուրախ ենք, որ գոնե մանկապարտեզը, մյուս դպրոցը, մշակույթի տունը, հանդիսությունների սրահը չեն տուժել»։
Մանրամսները  կարդացեք  այստեղ՝ http://shamshyan.com
 

Դիտվել է 621 անգամ

online-tv.am

Լրահոս