Ադրբեջանի նախագահ Իլհամ Ալիևը հայտարարել է, որ Բաքուն դեմ չէ հոկտեմբերի 29-ին Ադրբեջանի ու Հայաստանի ԱԳՆ ղեկավարների հանդիպմանը, սակայն դրանցում «իմաստ» է ակնկալում, գրում է ՌԻԱ Նովոստին։
«ԱՄՆ-ում բանակցությունների ընթացքում որոշվել է, որ մի քանի օր անց Ադրբեջանի ու Հայաստանի ԱԳՆ ղեկավարները հանդիպեն Ժնևում։ Ես դեմ չեմ, թող հանդիպեն․․․ Սակայն մենք ցանկանում ենք, որպեսզի բանակցություններում իմաստ լինի, որպեսզի դրանք արագացնեն հակամարտության կարգավորումը»,- քաղաքացիներին ուղղված ուղերձում հայտարարել է Ալիևը։
Նա նաև հերթական անգամ մեղադրել է ԵԱՀԿ Մինսկի խմբին անգործության մեջ։ «Ինչպիսի՞ն է այդ Մինսկի խմբի գործունեությունը։ Կարո՞ղ է այն ճնշում գործադրել օկուպանտի վրա։ Ցանկանո՞ւմ է այն ճնշում գործադրել։ Ո՛չ։ Ես այս հարցը մեկ անգամ չէ, որ բարձրացրել եմ՝ եթե ցանկանում եք հարցի լուծում, ապա անհրաժեշտ է ընդդեմ Հայաստանի պատժամիջոցներ կիրառել»,- հայտարարել է Ալիևը։

նյութի աղբյուր՝ https://factor.am/300205.html