loading...

Չինաստանը նախատեսում է դյուրացնել իր շուկային հասանելիությունը

10:16 01.11.2019

Չինաստանը մտադիր է հետագայում եւս ընդլայնել արտաքին աշխարհի համար իր բաց լինելը, երկրում բարենպաստ պայմաններ ստեղծել արտասահմանյան ընկերությունների աշխատանքի համար, պարզեցնել առեւտրային ընթացակարգերը եւ իր շուկային հասանելիությունը, ուրբաթ հայտարարել է ՉԿԿ ԿԿ տնտեսական եւ ֆինանսական հարցերի կոմիտեի գրասենյակի պետի տեղակալ Հան Վենսյուն, փոխանցում է «ՌԻԱ Նովոստի»-ն:  

«Ներկայիս պլենումը հանդես է եկել բարձր մակարդակի բաց տեսակի տնտեսության նոր համակարգ կառուցելու առաջարկով, իրականացնել բազմակողմանի եւ լայն հրապարակայնություն»,- հայտարարել է պաշտոնյան հոկտեմբերի 28-31-ը Պեկինում անցկացված 19-րդ գումարման ՉԿԿ ԿԿ 4-րդ պլենումի արդյունքներով հրավիրված մամուլի ասուլիսում:
 

Նա հավելել է, որ ավելի ընդլայնված բաց լինելու իրականացումը նախատեսում է շուկային հասանելիության զգալի դյուրացում, մշակող արդյունաբերության, ծառայությունների, գյուղատնտեսության, մշակույթի, կրթության, հեռահաղորդակցության, ֆինանսների ոլորտների բաց լինելու ընդարձակում:

Դրանից բացի, Հան Վենսյուն նշել է առեւտրի եւ ներդրումների ազատականացմանը եւ ընթացակարգերի պարզեցմանը նպաստելու անհրաժեշտությունը, արտասահմանյան կապիտալի իրավուքների եւ օրինական շահերի պաշտպանությունը՝ արտասահմանյան ներդրումների մասին օրենքին բարեխղճորեն հետեւելու միջոցով, չինական շուկայում տեղական եւ արտասահմանյան ընկերությունների ազնիվ մրցակցության համար պայմանների ստեղծումը, մտավոր սեփականության իրավունքների եւ առեւտրային գաղտնիքի պաշտպանության ամրապնդումը, բարձրորակ բիզնես միջավայրի ստեղծումը, որը կառավարվում է օրենքների հիման վրա:
 

Դիտվել է 227 անգամ

online-tv.am

Լրահոս