loading...

Ելիսեյան պալատում կայացավ Մակրոն ֊ Փաշինյան հանդիպումը azatutyun.am

19:14 14.09.2018

Աշխատանքային այցով Փարիզում գտնվող Հայաստանի վարչապետ Նիկոլ Փաշինյանը այսօր Ելիսեյան պալատում հանդիպել է Ֆրանսիայի նախագահ Էմանյուել Մակրոնի հետ:

Ինչպես «Ազատությանը» փոխանցեց վարչապետի խոսնակ Արման Եղոյանը, Մակրոնն ու Փաշինյանը քննարկել են Ֆրակոֆոնիայի գագաթնաժողովին և դրա շրջանակում առաջին անգամ կազմակերպվելիք բիզնես ֆորումին վերաբերող հսրցեր, անդրադարձ է եղել նաև Լեռնային Ղարաբաղի հակամարտությանը: Հայաստանի վարչապետն ու Ֆրանսիայի նախագահը կարևորել են խնդրի խաղաղ կարգավորումը ԵԱՀԿ Մինսկի խմբի համանախագահության ջանքերով: Պայմանավորվածություն է ձեռք բերվել հայ-ֆրանսիական հարաբերությունները ամբողջ ծավալով քննարկել հոկտեմբերին: Երևանում անցկացվող Ֆրանկոֆոնիայի գագաթնաժողովի շրջանակում Էմանյուել Մակրոնը գալու է Հայաստան և դա միաժամանակ լինելու է նաև Ֆրանսիայի նախագահի պետական այցը Հայաստան:
Նյութի  աղբյուր՝ https://www.azatutyun.am

Դիտվել է 125 անգամ

online-tv.am

Լրահոս