«Մուրացան» բժշկական կենտրոնում մահացել է մայիսի 3-ին Երևանում ծնված հնգյակ երեխաներից ևս մեկը, տեղեկատվությունն Aysor.am-ի հետ զրույցում հաստատեց Առողջապահության նախարարության մամուլի քարտուղար Անահիտ Հայթայանը:

«Այսօր մահացել է ամենափոքր քաշով ծնված աղջիկը: «Մուրացան» բժշկական կենտրոնում գտնվող մյուս երեխայի՝ տղայի վիճակը նույնպես շարունակում է ծանր մնալ», - ասաց Անահիտ Հայթայանը՝  նշելով, որ մյուս երեխաների առողջական վիճակի մասին կտեղեկացնի քիչ ուշ:

Ավելի վաղ տեղեկացրել էինք, որ հնգյակ երեխաներից մահացել է նաև «Էրեբունի » ԲԿ վերակենդանացման բաժանմունքում պահվող աղջիկը:
Նյութի աղբյուր՝ http://www.aysor.am/