loading...

Նախագահն ընդունեց կառավարության հրաժարականը. azatutyun.am/

18:40 16.10.2018

Հայաստանի նախագահ Արմեն Սարգսյանը հրամանագիր է ստորագրել կառավարության հրաժարականն ընդունելու մասին:

Հրամանագիրը հրապարակված է նախագահի պաշտոնական կայքում:

Այսօր ավելի վաղ վարչապետ Նիկոլ Փաշինյանը հայտարարել էր իր հրաժարականի մասին:

«Ինչպես ես ասել էի, այսօր հրաժարական եմ տալիս Հայաստանի Հանրապետության վարչապետի պաշտոնից»,- նշել էր Փաշինյանը:

Ըստ 2015 թվականին ընդունված Սահմանադրության՝ վարչապետի հրաժարականի դեպքում կառավարության հրաժարականն ընդունվելուց հետո` յոթնօրյա ժամկետում, Ազգային ժողովի խմբակցություններն իրավունք ունեն առաջադրելու վարչապետի թեկնածուներ:

Ազգային ժողովը վարչապետին ընտրում է պատգամավորների ընդհանուր թվի ձայների մեծամասնությամբ: Վարչապետ չընտրվելու դեպքում, քվեարկությունից յոթ օր հետո, անցկացվում է նոր ընտրություն, որին մասնակցելու իրավունք ունեն պատգամավորների ընդհանուր թվի առնվազն մեկ երրորդի առաջադրած վարչապետի թեկնածուները:

Եթե պատգամավորների ընդհանուր թվի ձայների մեծամասնությամբ վարչապետ չի ընտրվում, ապա խորհրդարանն արձակվում է իրավունքի ուժով:
Նյութի աղբյուր՝ https://www.azatutyun.am/

 

Դիտվել է 131 անգամ

online-tv.am

Լրահոս