Վարչապետ Նիկոլ Փաշինյանը ֆեյսբուքյան իր էջում տեսաուղերձի միջոցով կոչ արեց քաղաքացիներին՝ 15.00-ից դադարեցնել անհնազանդության բոլոր ակցիաները, բացել բոլոր ճանապարհները, դադարեցնել գործադուլները:

«Այն ժամանակներում, երբ մենք փակում էինք ճանապարհները և բողոքի ակցիաներ էինք իրականացնում, մենք դա անում էինք, որովհետև համոզված էինք, գիտեինք, որ Հայաստանի Հանրապետությունում չկա իշխանություն, որն ի վիճակի է լսել քաղաքացիներին, ապրել քաղաքացիների հոգսերով և լուծել քաղաքացիների խնդիրը, պաշտպանել քաղաքացիների իրավունքները։ Հիմա, երբ Հայաստանում հաստատված է իշխանություն, որը հենց ժողովրդի որոշմամբ և մանդատով, ժողովրդի խնդիրները լուծելու համար է հասել իշխանության կարգավիճակի, ճիշտն ասած հասկանալի չէ, որ մենք ամեն օր փակում ենք ճանապարհներ և իրականացնում ենք քաղաքացիական անհնազանդության գործողություններ, իսկ ո՞ւմ ենք մենք անհնազանդություն հայտարարում», - ասաց վարչապետը՝ շարունակելով. - «Այսօր հաստատված է քաղաքացու իշխանություն հետևաբար ում ենք անհնազանդություն հայտարարում, ինքներս մե՞զ, սա ճիշտ մոտեցում չէ»։

Փաշինյանը կոչ արեց հնարավորություն տալ կառավարությանը խնդիրները դասավորել ըստ առաջնահերթության ու զբաղվել դրանց լուծումներով։
ԱՄԲՈՂՋԱԿԱՆ ՀՈԴՎԱԾԸ  ԿԱՐԴԱՑԵՔ  ԱՅՍՏԵՂ՜https://www.azatutyun.am/a/29231960.html