ԱՄՆ նախագահ Դոնալդ Թրամփը հայտարարել է, որ  մտադիր է «Գրին քարտ» վիճակախաղը չեղարկել:  ԱՄՆ նախագահը նման որոշում է կայացրել Նյու Յորքում կատարված  ահաբեկչությունից հետո: Այս մասին գրում է CNN-ը: «Այսօր ես սկսում եմ ծրագիր-վիճակախաղի չեղարկման գործընթացը: Մենք պետք է ազատվենք դրանից հնարավորինս շուտ: Ցանկանում ենք անմիջապես դադարեցնել բազմազանության վիճակախաղը: Պետք է  ունենալ արժանիքների հիման վրա մեր երկիր մուտք գործող ներգաղթյալներ, որը թույլ կտա մարդկանց ներգաղթի իրավունք ստանալ նրանց գիտելիքների հիման վրա» - ասել է ԱՄՆ նախագահը Սպիտակ տանը լրագրողների հետ հանդիպման ժամանակ: Նշենք, որ հոկտեմբերի 31-ին Նյու Յորքում իրականացված ահաբեկչության մեջ հիմնական կասկածյալ Սայֆուլլա Սայիպովը «Գրին քարտի» միջոցով է մուտք գործել ԱՄՆ և նույնիսկ կարողացել է իր ազգականներին տեղափոխել ԱՄՆ:

Նյութի աղբյուր` http://meganews.am/