loading...

Ութ երեխաներին սպանած կինը պատասխանատվության չի ենթարկվի. /news.am

15:41 04.05.2017

Ութ երեխաներին սպանած Ավստրալիայում բնակվող կինը հոգեկան հիվանդ  է ճանաչվել, այդ պատճառով էլ դատարանի առջեւ չի կանգնի ու կխուսափի պատասխանատվությունից։ 2014 թվականի դեկտեմբերին 40-ամյա Ռայնա Թայդենը մորթել է իր չորս որդիներին, երեք դուստրերին ու զարմուհուն։ Զոհերը 2-14 տարեկան են եղել, հաղորդում է BBC-ն։

Քվինսլենդ նահանգի դատարանի որոշումը նշանակում է, որ կինը չի կարող պատասխանատվության ենթարկվել։

Թայդենը տեղափոխվել է հոգեկան հիվանդների համար նախատեսված հիվանդանոց։ Տունը, որտեղ զոհվել են երեխաները, քանդվել է, իսկ դրա տեղում զբոսայգի է կառուցվել։

Թայդենն իրեն «ընտրյալ» է համարել եւ տարված էր իրեն ու իր ընտանիքին դեւերից մաքրելու գաղափարով։
Նյութի աղբյուր՝ /news.am
 

Դիտվել է 1469 անգամ

online-tv.am

Լրահոս